Friday, February 22, 2013

حـــكـــــــــــــايات


نبتدى منين الحكايه؟
...مش مهم منين و ازاى 
المهم هنخرج امتى و ازاى ؟
المهم نعترف ان لكل بدايه نهايه ...
حتى لو مش بارادتنا دخلنا الحكايه...
مش لازم نتجرح ...و لو اتجرحنا مش لازم نستنى لما الخساره تبقى نفسنا!
مش عيب نعترف بالنهايه و مش عيب انها متبقاش مننا ...
و طالما مش بايدينا كتبنا البدايه مفيش داعى  نزعل لما غصب عنا تتكتب النهايه 
المهم نسلم للنهايه و منحاولش نبتدى من تانى الحكايه
المهم نمشى بعيد قبل الجرح ما يبقى خطير
نحافظ على اللى اتبقى مننا و ناخده و نمشى و نستنى حكايه تانيه ندخلها و ميكونش ليها نهايه


أصل  الدنيا دى حكايات جوا بعضها بتلف فى دواير
فيها اللى بيبقى حكايه العمر... و فيها اللى بيخلص بجرح.. و فيها اللى بيخلص قبل ما يبدأ
كلها حكايات و احنا أبطالها ....لازم نبعد قبل ما  نبقى ضحاياها
لازم  نسلم بالنهايه لكن منستلمهاش ...و نعرف ان  نهايه حكايه  مش نهايه الدنيا...

No comments:

Post a Comment