Sunday, January 26, 2014

صفحات

صفحات فى كتاب الأيام
صفحه بيملاها يوم و صفحه بتشخبط فيها كل الأيام 
صفحه مليانه و صفحه لسه مستحمله شخبطه الأيام
صفحه بتسلم لصفحه و رافعين كلهم رايه مفيش ممحاه
يلا نقلب فى الكتاب و نقرا سطوره و نفهم شخبطه الأيام
أول صفحه ملهاش عنوان مكتوب فيها لسه نازل يا دنيا حاسبى عليا يا أيام
و صفحه ورا صفحه ....
وصلنا لصفحه القلب مكتوب على هامش الصفحه نفسى فى يوم أرتاح....
و صفحه كمان ....
وصلنا لصفحه الأحلام مكتوب على هامش الصفحه نفسى تتحققى قبل ما تشخبط عليكى الأيام...
و بعد ما اتملى نُص الكتاب وصلنا لصفحه العُمر و على الهامش مكتوب عجزت قبل الأوان...
لسه الكتاب مليان صفحات كتير مش قادره أفهمها و لا قادره أفُك شفره شخبطه الأيام...
و فى الأخر  صفحه مطويه عنوانها فرحه ... مكتوب على هامش الصفحه هتفضل مطويه لغايه ما تكمل و تحارب شخبطه الأيام.


No comments:

Post a Comment