Friday, December 14, 2012

أنصاف الأشياء

بعثره كلمات .....طريق ملىء بالعثرات
نفوس تحارب الظلام
عيون سأمت البكاء 
لسان يشتهى الكلام 
قلوب تخاف البعد و الأقتراب
عقول باتت تفكر و تسأل دون جواب
هذا هو حال أنصاف الأشياء ........!!
نصف الموت ..... نصف الحياه 
.نصف الفرحه ..... نصف الدمعه 
نصف الخوف ..... نصف الجرأه
نصف الصمت ..... نصف الكلام

هم نصف كل شىء  ......و الشاهد على الحياه

نصف الحياه........ يحيون على ما تبقى لهم من أمل فى الغد.

نصف الموت .....يموتون فى اليوم مائه مره و لكن يذردون الأستسلام يقاومون و يقامون و لكن يظلوا أنصاف 

نصف الفرحه ......التى لا تعنى لسواهم شىء ...قلوبهم نقيه يفرحها القليل و لا تستسلم للحزن الا بعد الكثير

نصف الدمعه ....تتساقط دموعهم سريعا و لكن من كثرتها تتدافع أمامهم حتى لا تكاد تراها الا و قد جففوها

نصف الصمت ...يختبىء وراء صمتهم كلمات لا يشعر بها سواهم فيستأثرون بها أنفسهم و يرحلوا فى صمت رافعين شعار نأسف على الإزعاج.

نصف الكلام.....يثرثرون أحيانا و كأنما يقولون لمن حولهم ها نحن أنصاف الأشياء نجيد كل ما تجيدونه  و لكننا لا نقوى عن التعبير عن ذاتنا لذا نلوذ بصمتنا و نستجير بدموعنا على ما نشهده منكم

نصف الخوف......يهابون كل من و ما حولهم و لكن ما يلبث أن يشعر بهم أحد حتى يشعلوا

 نصف الجرأه ....حتى لتكاد من جرأتهم و انطلاقهم أن تفقد صوابك ...

ما أكثر أنصاف الأشياء فى حياتنا و لكن لا نراهم ....لأنهم فوق مستوى الأبصار ...لن تراهم الا اذا كان لك عيونا فى القلب ...لن تراهم الا اذا تفوقت بصيرتك على بصرك....لن تراهم لأنهم ليسوا بحاجه لأن تراهم لكنهم بحاجه الا أن تشعر بهم ..

أنصاف الأشياء .........  كامله بذاتها 

Monday, November 26, 2012

اتركوا لى ما تبقى منى

هو ذلك الصمت الرهيب الذى يخيم علينا أحيانا فيظنه الأخرون تبلدا و لا مبالاه غير أبهين لما قد يختبىء تحت 
لسان يلزم الصمت و ما يجيش بخاطر يلزم الكتمان و ما يدور بعقل أثر الفرار

انه البركان الخامد الذى ما يلبث أن ينفجر حتى تتلاشى أثاره فتدمر من حولها بشظاياه ....لا انها أضعف من ذلك فستكتفى فقط بتدمير نفسها و البقاء فى صمتها المدوى و دموعها الساكنه المستقره فى مقلتيها تنظر باسمه أمامها تتدافع الدموع الى عينيها حتى تكاد أن تراها لكنها لا تتساقط ان قوه الدفع تجذبها أماما كى تراها هى وحدها فتسرع بتجفيفها ....فقط لتتألم وحدها و تتركهم يعتقدون ما يعتقدون 

لكن ما لا يعقل هو أننا نغفل ما الذى أدى لقلب ملىء بالكلام الى الصمت و ما الذى أدى بعقل يدوى صوت تحليلاته دائما الى صمت غير مفهوم و هل من الممكن أن يعجز لسان كانت مهنته الكلام
 
كيف نغفل كل هذا ؟

انها خيبة الأمل ....حين يتتكر السيناريو بكل تفاصيله أمام عينيك و تجد عقلك عاجزا عن التفكير فيما قد كان و تجد قلبا يستغيث كفى 
فلم أعد أطيق و تجد صوتك يرتفع و يدوى بين أرجاءك ألا تفهمون لقد قلتها من قبل  و كفى  و مع هذا كله تجد لسانك عاجزا عن النطق

انها أنفاسك تتهدج داخلك ...انها دموعك توشك على الأنفجار ...انه عقلك يكاد ينفجر ...فتتغلب على كل هذا و تستطيع بما تبقى لديك من قوه أن تنسحب من هذا الصراع و تلوذ بصمتك أن يبقيك ثوان لعلك فيها تعطى فرصه لنفسك بأن تهدأ من روعها 

 نعم انه البركان الخامد وراء صمت مستقر و عين ثابته و ابتسامه مزيفه ...
فلا تسيئون التقدير و لتحمدوا الله على ما أتاهم من فضله و لتتركوهم فى صمتهم و لا تستعجلوا انفجار البركان 
يوما ما سينفجر حينها لا تلوموا الا أنفسكم ....لذا اتركوا لى صمتى ...اتركوا لى ما تبقى منى 
اتركوا لى ما تبقى منى      

Saturday, November 17, 2012

ورد الصباح

شقشقه عصافير.....قرص شمس كبير ....نهار بيطلع على قلوب  صغيرين

 

بسمه فى كل عين بتشوف ورد الصباح بيتفتح ....شنطه و كراسه و قلم و موضوع تعبير ف حب  مصر والمدرسه و رسمه ف كراسه عليها العلم...

متلون بأحمر لون خدودهم و أبيض لون براءتهم و أسود اللى عمره ما خطر على بالهم 

و جرى بسرعه و تطنيط يلا ع المدرسه متأخرين .....و بوسه على خد ماما هتوحشينى ....

رايحين المدرسه يلا قربنا نوصل .....ميعرفوش ان فى ناس متعرفش ميعاد للشروق ميعرفوش انى فى قلوب عاشقه الغروب ....ميعرفوش ان ورد الصباح ممكن يموت ..

 

راح ورد الصباح  مش باقى منه غير بوسه على خد ماما و حسره و ألم  و دموع و أهات ووجع

مش باقى منه غير كراسه مرسوم فيها العلم ....متلون أحمر لون دمه ...أبيض لون كفنه ....أسود لون حداد أهله

 

راح ورد الصباح  

 

Wednesday, October 31, 2012

و لا زلت على عهد

و لازلت أطوى فى نفسى شيئا

و لا زالت نفسى تتحملنى

و لا زال قلبى يؤلمنى

و لا زال لسانى يلزم الصمت

و لا زالت عينى تائهه شارده حزينه

و لا زال قلبى يردد مهلا مهلا ....لا تتعجل

و لا زال عقلى يستنكر كل هذا و يسألنى الرحيل و ينهرنى بشده و ينهانى عن حيرتى و يقنعنى أنه لا محاله

و لا زلت أتشبث بأمل كاذب

و لا زلت أعانق هذا الأمل كل صباح و أرجوه ألا يتخلى عنى و ان حدث و رحل فليترك فى قلبى أمل جديد

و لا زلت أعطى فرصه للصباح أن يبدد ما فعله الأمس 

و لا زلت أنتظر  أيامى الجميله التى لم أعشها بعد

و لا زلت على عهدى مع أحلامى سأتشبث بكى حتى تتحققى :)

و لا زلت على عهد مع أيامى لن أسمح لك أن تكسرينى

و لا زلت على عهد مع نفسى سأقوى دائما بك عليك 

 و لا زالت على عهد مع النهار سأنتظرك مهما طال الأنتظار

و لا زالت على عهد مع الأمل لن أتركك حتى تطلب الرحيل 

و لازلت على عهد مع قلبى ....كل شىئ سيكون كما تريد 

و لا زلت على عهد مع كلماتى لن تكونى يوما سيفا أضعه حول عنقى ...ستكونين دائما فجر جديد فى درب مظلم

    


 

Friday, October 26, 2012

حتة سكره

خليك انت النور فى حياة الناس التانيه ........حتى لو حياتك أصلا ضلمه
خليك بسمه دايما يفتكروها ........حتى لو انت مش لاقيها
خليك شمعه تنور طريقهم........... حتى و هى بتتحرق

   خليك فى حياتهم حته سكره .... ذكرى حلوه ...كلمه طيبه ...لحظه تفاؤل ....أمل و اصرار و تحدى


   خليك ليهم كل حاجه حلوه

 

 

Thursday, October 25, 2012

الربيع

أين أنت ؟
أضللت الطريق أم ما أن لك الأوان ؟
هناك قلوب تنتظرك ترجوك أن تأتى فلا تأبى
هناك عيون باتت تحلم بك
و عقول باتت تتخيلك و ليالى باتت تتأهب لمجيئك
فلا تتركها تعانى وحشة الأنتظار و أى انتظار فهو انتظار غير محدود
عرفنا بدايته و لم نعهد له نهايه و كل ما نملكه هو الأمل
نجدده دوما بالدعاء و نعطى دائما فرصه للصباح لعله يأتى و يحمل معه نسمات الربيع الحانيه و يأخذ رياح الخريف البارده و يمنحنا ليله دافئه تمحو عنا مرارة أيام بارده عشناها !

أيها الربيع لا تأبى المجىء فقلوبنا فى ربيعها فلا تتركها للخريف..نحن على موعد معك فلا تخلفه

 لن نيأس يوما و لن نترك أملنا خلفنا و نرحل .....قلوبنا لا تعرف اليأس لم يغيرها الخريف .....فلا تتركها كثيرا ...فلازالت صغيره و أخاف عليها من الخريف



Sunday, October 21, 2012

~~~يالا نطير~~~


لازم نطير
 

حتى لو بجناح مكسور
 

حتى لو من غير جناح خالص
 

هييجى يوم و جناحنا يقوى و أكيد ف يوم هنطير
 

هنطير بعيد مع أحلامنا ....هنسيب الأرض و همومها
 

هنرجعلها تانى بس هنكون بئينا أحسن :) و هنشوف الدنيا كمان أحسن
 

و احنا فوق يمكن نرسم لينا مكان ف الدنيا
 

و لما ننزل هنصمم على مكانا ده و هنحققه
 

يوم ما نطير هناخد أول خطوه ف رحلتنا

رحله طويله أصعب خطوه فيها بدايتها

رحله جميله رسمتها كتير أحلامنا

رحله حياه اتمنتها كتير قلوبنا

رحله نـــــــــجاح  مشتقالها أيامنا


نفسى أطير ^_^!! أحلامى كتييييييييير أووووووووووى ممكن هي تبقى جناحى  

مين نفسه يطير معانا؟ 



Friday, October 19, 2012

^ بحلم ^

  • بحلم بليله على ضى القمر

    بحلم بعيون مشتاقه للسهر

    بحلم بكلام مش زى كلام البشر

    بجلم بدنيا مش زى دنيتنا
    بحلم بيوم من غير وجع

    بحلم ب حلم مليان أمل

    بحلم أخرج برا نفسى و أبطل أداريها
     
     
    بحلم أتكلم و أنا موجوعه
     
    بحلم بعيون مش شارده و لا حزينه
     
    بحلم بضحكه طالعه م القلب بفرحه ...مش ضحكه بتدارى نفس مكسوره

    بحلم بفرحه تاخدنى فى حضنها و تفرد جناخحاتها و نطير سوا أنا وهى لفوق نوصل لأخر أمانينا
     
    بحلم ...بحلم ...بحلم ...بحلم ...أعيش فى كل أحلامى

Friday, October 12, 2012

فتح شبابيك عنيك

 
الأحلام مش بس حاجات بنشوفها و احنا نايمين و نصحى نقفل ستاير عينا عليها

الأحلام هى الواقع اللى لازم نعيشه ...الأحلام مش هروب من عالم ل عالم تانى
الأحلام هى العالم اللى المفروض نعيش فيه.

تعالوا نحلم و نحلم كتيير و نصحى من بدرى نحقق احلامنا و نحلم غيرها تانى كتير :)
و لو واحد متحققش مش مشكله ممكن نكون حلمنا بيه غلط !! و أكيد ساب فرصه لأحلام تانيه كتير

يلا نحلم و نحقق أحلامنا و نعيش ف الواقع اللى بيرسمه خيالنا ^_^
 
 
 
 

الحلم حياه


 
 
 
 
 

اقلع غماك و ثور... حارب ...حلمك يعنى انت و لو اتنازلت عنه يبقى بتسيب غيرك يعيشلك...ساعتها  تبقى فرطت فى أبسط و  أهم حقوقك ...حق الحياه ...لأن ببساطه الحلم حياه.

حياه بترسمها انت و تلونها و تعيشها بكل تفاصيلها ...عالم بتخلقه  بيهون عليك قسوة أيامك .......الحلم مش هروب من الواقع ...الحلم خلق للواقع ...بس واقع من نسج خيالنا  و بنات أفكارنا و عصارة ثقافتنا .

Draw Your Dream

In Pursuit of a Dream
If all you do is wish,
there’s a tiny chance that luck would have it.
If you put your mind to it,
it will be on your mind but nothing more.
It’s not until you put all your heart and soul in it
and make it more and more a part of your daily life
that everything will really happen quickly,
and your whole world will change.
It will become the world that once...you only wished for.

~Doe Zantamata

Saturday, September 29, 2012

سبـــــــــــــاق

سباق هو أو مجموعه من السباقات لا أدرى
.كل ما أعرفه أن كل منا  يختار سباقه الذى يظل فيه حتى النهايه و منا من يختار لكل مرحله سباق  له معالم واضحه 


لن أزيد فى حيرتك هى حياتنا ....مجموعه من السباقات لا تنتهى ...أنظر فى أيهم أنت و فى أيهم تريد أن تكون ؟


منا من هو فى سباق دائم مع أحزانه و ذكرياته المؤلمه و ياله من سباق يودى   على كل ما به من قوه و حلم و يحول بينه و بين أحلامه و يحوله الى كتله من الكأبه و التشاؤم و يالبؤس صاحبه فما كفاه حزن ماضيه حتى أضاع   مستقبله ف الحزن على ما فات 


و منا من هم فى سباق دائم مع أحلامهم  و يالروعة هذا السباق ففيه المتسابق قرر أن يعزل نفسه عن كل المؤثرات و يتفرغ فقط لأحلامه ....لا ليحلم فقط بل ليسعى خلف أحلامه 


و منا من هم فى سباق كبير مرهق و لا جدوى منه فقط لتحقيق أحلام الأخرين فنراه يتعرف على هذا و يسلك هذا الطريق و يرضى بتلك الوظيفه فقط لأن من حوله أرادو له هذا و يا له من شقاء فهو لا يحس بطعم التعب و لا حتى النجاح فكل أحاسيسه مزيفه و حتى هو ذاته مزيف لا يعرف له هويه انه انسان ترك عقله خلفه و ترك أخرون يسيرون له حياته 



فى أى سباق أنت و فى أيهما تريد أن تكون ؟؟

Thursday, September 27, 2012

فكره

ازرع فكره .....تحصد عمل 
ازرع عمل .....تحصد عاده
ازرع عاده .....تحصد شخصيه 


ده كان رأى المفكر الكبير ستيفن أر كوفى 
و لو حاولنا احنا نكمل المتسلسله هنلاقى


ازرع شخصيه.....تحصد أسره
ازرع أسره.....تحصد مجتمع
ازرع مجتمع .....تحصد عالم


!يعنى العالم زرعه و بذرته هى الفكره ....طب ما تيجو نجرب نزرع العالم بتاعنا

يلا نحط الفكره و نحط معاها بذور تفاؤل على علم على عمل و نرويهم بالأجتهاد و الحب و المؤاخاه و نعرضهم لشويه شمس ..شمس العدل و الحريه و نديهم شويه  أكسجين ...أكسجين 
الحوار الديموقراطى و النقاش الحضارى و الأسلوب العلمى المتفتح


و بكده الزرعه بتاعتنا خلاص جهزت ويلا  نقطف منها كمان :)


!!شوفتوا بقى زرعتنا طلعت ايه ؟ ***


 عالم متفاءل شايف الدنيا بكل الألوان المبهجه :) و حتى الضلمه بيلونها * 
 .عالم متفاهم متعاون *
.عالم متحاب ف الله و لله *
.عالم عادل مبيظلمش *
.عالم بيحترم العلم و العلماء و فاهم يعنى ايه حوار *
^_^عالم مفيهوش مكان غير للحب و التسامح *
.عالم مفيهوش حروب و لا ناس بتاخد حق ناس *
.عالم فهم معنى كلمة أخلاق *

انما  الأمم الأخلاق ما بقيت فان همُ ذهبت أخلاقهم ذهبوا 

أكيد مع كل اللى بيحصل حوالينا حلم جميل اننا نعيش فى عالم زى ده و الحلم ممكن يتحقق و انتوا شفتوا ان المكونات سهله جدا بس نسينا نقول أهم حاجه الأصرار على التغيير لأننا مش هينفع نرمى العالم اللى احنا فيه احنا بس هنصلح فيه يعنى الزرعه دى هتكون جوه العالم بتاعنا ...الزرعه دى هى أفكارنا و مش هنغير من يوم و ليله ...لأ هتاخد وقت طويل لازم يكون عندنا اراده و أمل ان اللى بنعمله ده هنلاقى ثماره حتى و لو بعد حين :)


غير فكرك  ....ازرعه و ارعاه ...هتحصد العالم اللى بتتمناه 




Wednesday, September 26, 2012

يلا نحلم ^_^


 
كام واحد حس ف مره ان الدنيا خلاص قفلت  كل البيبان
و ان الأمل خلاص بقى أوهام
كام مره حسينا اننا تهنا أو يمكن ضعنا
كام مره خوفنا من كتر الضلمه
كام مره حسينا  النور بيبعد
كام مره استنينا بكره و برده مجاش
كام مره بكينا و علينا الدنيا محنيتش 
كام و كام و كام و كام حاجات كتيره أوى بنحس بيها بتخلينا نكره بكره و نحسه بيبعد كل ما يقرب 

حاجات بتخلينا ننسى حلمنا ف الزحمه ...حاجات بتخلينا نفقد الأمل 

بس لأ يا نفسى لأ يا خوفى عمرى مهستستلم و هحارب عشان حلمى

حلمى؟؟؟؟؟ طب فين هو حلمى يااااااااه ده تاه منى ف الزحمه خلاص كمان مبقاش عندى حلم :(

لأ عندى حلم و كبير كمان هجمع حلمى اللى تاه و هرسم و ألون عليه كمان يلا و متنستناش الكون يتصلح و الدنيا تديك اللى انت عاوزه 

يلا بينا يا صاحبى نشد الرحال على بلد الأحلام ^_^

و هناك مش هننام بدرى عشان نحلم و بس لأ عشان نقوم من بدرى و نحقق أحلامنا كمان :) 
يلا جهزت الشنطه ؟ 
ايه مش عارف هتاخد ايه معاك ؟ 

بسيطه أوى مش محتاجين غير شويه ايمان على شويه ثقه بالله و بنفسك و شويه  عمل و اجتهاد و مكان كبير فى قلبك تفضيه للفرحه اللى هتفرحها لما تحقق واحد من أحلامك :)
يلا بقى بسرعه :)
^_^يلا نحلم

و لسوف يعطيك ربك فترضى


فى القلب خواطر لا يستطيع اللسان النطق بها
فى العين دمعه لا تستطيع حبسها

لكن هناك دائما أمل فى غد أفضل .....أمل فى مستقبل مشرق ...أمل فى فرحة تنسيها ما بها من ألام....هناك دائما ثقه فى الله الواحد القهار :)

حينما أتدبر أياته يعترى عينى الخجل كيف تبكى و قد قال الحق "و لسوف يعطيك ربك فترضى"
و يخجل قلبى كيف تحزن و قد قال و هو خير من قال "و ما ربك بظلام للعبيد"

و تطمئن النفس حين تسمع قوله "ان الله مع الصابرين اذا صبروا"....اصبرى أيتها النفس على حكم ربك ان حكمه كله خير ^_^

تذكرى أيتها النفس  دائما قوله تعالى"ويدع الإنسان بالشر دعاءه بالخير وكان الإنسان عجولا"

الخلاصه : أيا كان اللى انت حاسس بيه فى القرأن دواك و ثقتك بربنا أقدر على أى داء ..
خلى ابتسامتك دايما منوره وشك ^_^ و خلى عندك دايما أمل فى بكره حتى لو بكره مش بيجى مسيره فى يوم هييجى اصبر انت بس و أيامك الجميله لسه جايه :)

الفرحه بتتأخر عشان لسه بتتزين و تتجمل عشان تيجى و تنسينا كل اللى فات ^__^
 

الفرحه تستاهل مننا شوية صبر ^_^!! و خد بالك  الصبر أمل و دعاء و ليس تضجر و بكاء

افرح و حلم و اضحك و عيش و اصبر و اعمل بكره بتاعك :) و متغرقش كتير ف بحور أحزانك و سيطر دايما على خوفك و أوهامك :)
حياتك دى ملكك و مش هتعيشها غير مره واحده يبقى لازم تعيشها صح و صح أوى كمان :)

شكر و تقدير


هناك أشخاص كاللؤلؤ النفيس ...كالشموع فى حياة الأخرين ...يضيئون لهم طريقهم بكل ثبات و يرشدونهم دائما الى فعل الخير و الصواب ....يعطون بلا مقابل و يحفزون بلا انتظار ...احرص على أن تكون منهم و أن   تقتنى منهم الكثيرون و أحمد الله أن حياتى مليئه بهم ......أتوجه اليهم جميعا بالشكر و منهم على سبيل الذكر و ليس الحصر
م.محمود سيد محمود
م.محمود  محمد عبد الوهاب
م.محمد الشريف
م.مصطفى نجيب

شكرا لكم فكلماتكم كانت عن قصد او غير قصد خير ملهم  و محفز لى  ....